Ispaniya terma jamoasi Millatlar ligasi guruh bosqichi uchinchi turida Chexiyani ishonchli tarzda mag‘lub etdi. Bu ikki jamoa o‘rtasidagi sakkizinchi uchrashuv bo‘ldi. Chexiya terma jamoasi 1990-yillar o‘rtalaridan boshlab mustaqil ravishda ishtirok eta boshlagan, ungacha esa Chexoslovakiya terma jamoasi mavjud edi.

Ispaniya terma jamoasi hali biror marta Chexiyaga mag‘lub bo‘lmagan.

Jamoalar o‘rtasidagi ilk o‘yin 1996 yil 9 oktyabr kuni bo‘lib o‘tgan va 0:0 hisobida yakunlangan. O‘sha paytda Chexiya Yevropa vise-chempioni maqomida edi, Ispaniya esa unchalik kuchli ko‘rinish namoyish etmayotgandi.

Keyingi yettita uchrashuvda Ispaniya olti marta g‘alaba qozondi, yana bir bahs esa durang bilan yakunlandi.