ФИФА реферси Равшан Эрматов бошчилигидаги ҳакамлар бригадаси «ФК Сеул» ҳамда «Гуанчжоу Эвергранд» клублари ўртасидаги ОЧЛ финали дастлабки учрашувини бошқариб боради.
Осиё Футбол Конфедерацияси ОЧЛ бу йилги мавсуми финал ўйинларини бошқариб борадиган ҳакамлар номини эълон қилди. Унга кўра, «ФК Сеул» (Жанубий Корея) ҳамда «Гуанчжоу Эвергранд» (Хитой) клублари ўртасидаги финалнинг дастлабки ўйинини Равшан Эрматов бошчилигидаги ҳакамлар бригадаси бошқариб боради. Эрматовга қанотларга Абдуҳамидилло Расулов (Ўзбекистон) ҳамда Баходир Қўчқоровлар (Қирғизистон) ёрдам беришади. Ўзбекистонлик ФИФА рефериси Валентин Коваленко эса, учрашувда захира ҳаками вазифасини бажаради.
«ФК Сеул» ҳамда «Гуанчжоу Эвергранд» клублари ўртасидаги ОЧЛ финали дастлабки ўйинига 26 октябрь куни «ФК Сеул» мезбонлик қилади.
Осиё Чемпионлар Лигаси - 2013.
ФИНАЛ. Дастлабки ўйин.
26 октябрь.
«ФК Сеул» (Корея) - «Гуанчжоу Эвергранд» (Хитой)
Бош ҳакам: Равшан Эрматов (Ўзбекистон)
Қанот ҳакамлари: Абдуҳамидилло Расулов (Ўзбекистон), Баҳодир Қўчқоров (Қирғизистон)
Захира ҳаками: Валентин Коваленко (Ўзбекистон)
Назоратчи: Салим Сайид Ал Сувайдий (БАА)
Комиссар: Роберт Жон Торрес (Гуам)
