Испания терма жамоаси ва «Бетис»нинг чап қанот ҳимоячиси Фран Гарсия «Олтин тўп»ни кимга берган бўлиши ҳақидаги саволга жавоб берди.
Якшанба куни Испания терма жамоаси Миллатлар лигаси доирасида Чехияни ўз майдонида 3:1 ҳисобида мағлуб этди. Учрашув қаҳрамонларидан бири яна Ламин Ямал бўлди. «Барселона» вингери баҳс бошида чиройли гол урди.
Финал ҳуштагидан сўнг журналистлар Фран Гарсиядан Ямал «Олтин тўп»га муносибми, деб сўрашди. Аммо Мадриднинг «Реал» клуби собиқ футболчиси бошқа жамоадошини танлади.
«Мен совринни Фабиан Руисга берган бўлардим. Буни аввал ҳам айтганман», — деди Гарсия. Унинг сўзларини Madrid Universal келтирди.
«Олтин тўп» соҳиби номи 26 октябрь куни Лондонда бўлиб ўтадиган тақдирлаш маросимида эълон қилинади.
