«Барселона» вингери Ламин Ямал Миллатлар лигасида Чехияга қарши 3:1 ҳисобида якунланган учрашувда Испания терма жамоаси сафида яна бир бор ўзини кўрсатиб, гол урди.
Таниқли инсайдер Фабрицио Романонинг ижтимоий тармоқдаги пости остида мухлислардан бири трансфер эксперти испаниялик юлдузни ҳаддан ташқари кўп тарғиб қилаётганини ёзди:
«У ҳақиқатан ҳам Ямални пиар қиляпти».
Бунга италиялик журналист ҳазил билан жавоб қайтарди:
«Ҳа, 9 та ўйинда 19 та голли ҳаракат қайд этган футболчига ҳақиқатан ҳам бизнинг пиаримиз жуда керак, ҳа-ҳа».
Романонинг ушбу жавоби кўплаб лайк тўплади.
Ламин Ямал 2026 йилги «Олтин тўп» учун асосий даъвогарлардан бири ҳисобланади. Совринни топшириш маросими 26 октябрь куни бўлиб ўтади.
