Англиялик ҳужумчи Харри Кейн Хорватия термасига қарши сафар учрашувида гол урди. Бу унинг миллий жамоа сафида кетма-кет олтинчи сафар ўйинида дарвозани ишғол қилиши бўлди.
Шу тариқа, «Бавария» ҳужумчиси 78 йил аввал ўрнатилган Англия терма жамоаси рекордини такрорлади.
Кейнгача миллий жамоа сафида кетма-кет олтита сафар учрашувида гол уришни атиги уч нафар футболчи уддалаган: Жеймс Уиндриж, Том Финни ва Стэн Мортенсен. Сўнгги бор бундай натижа 1948 йилда Мортенсен томонидан қайд этилган эди.
Харри Кейннинг сафардаги голли серияси Андорра, Сербия, Латвия, Албания, Чехия ва Хорватия терма жамоаларига қарши учрашувларни қамраб олди.
