«Реал» «Негрейра иши» деб аталадиган иш доирасида «Барселона» ҳакамликка таъсир ўтказган, деб ҳисоблаб, каталониялик клуб жазоланишини талаб қилмоқда. Яқинда Мадрид клуби ушбу иш бўйича ҳужжатларни УЕФАга юборгани расман маълум қилинди.
The Touchline Marca нашрига таяниб хабар беришича, «Реал» президенти Флорентино Перес «Барселона» билан Суперлига лойиҳасини қўллаб-қувватлаш борасидаги ҳамкорлик барбод бўлганидан сўнг, унга қарши туриш учун «Негрейра иши»дан фойдаланмоқда.
«Барселона»нинг Негрейрага тўловлари билан боғлиқ можаро бошланган дастлабки даврда «Реал» президенти каталониялик клубни қўллаб-қувватлаган эди. Бироқ ҳозир унинг позицияси тубдан ўзгарган.
«Барселона» ва «Реал» Суперлига лойиҳасини қўллаб-қувватлаган сўнгги клублар бўлган. Маълум бир вақтда каталонияликлар ҳам лойиҳадан воз кечган. Мадридликлар эса буни энг охирида амалга оширган.
