Франция терма жамоаси ҳимоячиси Жюль Кунде «Барселона»да кам ўйин амалиётига эга бўлаётгани ҳақида фикр билдирди.
Футболчидан бу ҳолат жароҳатлар билан боғлиқми ёки «кўк-анорранглилар» бош мураббийи Ханси Фликнинг қарори эканми, деб сўрашди.
«Бу мураббийнинг қарори, шунингдек, ўтган мавсумдаги воқеаларнинг натижаси ҳам. Ўтган мавсумда мен ўз стандартларимдан анча паст даражада ўйнадим ва бу чақириқни мамнуният билан қабул қиламан.
Аввалги ҳолатимни қайта тиклашим керак. Оптимал жисмоний ҳолатда бўлганимда, бу позицияда ўйнай оламан», — деди Кунде миллий терма жамоа матбуот анжуманида.
Франция эртага Миллатлар лигаси умумий босқичининг 4-турида Бельгияни ўз майдонида қабул қилади.
