«Реал» Жуд Беллингемни юқори баҳолайди ва яқин вақт ичида англиялик ярим ҳимоячи билан шартномани узайтириш масаласини ҳал қилишни истамоқда.

TEAMtalk маълумотига кўра, мадридликлар музокараларда сезиларли олдинга силжиган ва Беллингем билан янги меҳнат шартномасини йил охирига қадар расмийлаштиришни режалаштирмоқда.

Манба хабар беришича, «Реал» Беллингемнинг йиллик маошини 30 миллион еврогача оширмоқчи. Айни пайтда англиялик футболчи йилига 20 миллион евро маош олади.

Беллингемнинг янги шартномаси камида 2031 йил ўрталаригача амал қилиши кутилмоқда. Бироқ шартноманинг аниқ муддати ҳозирча белгиланмаган.

Жуд Беллингем «Реал» сафида 148 та учрашув ўтказиб, 49 та гол урди ва 36 та голли узатмани амалга оширди.