Франциянинг «Пари Сен-Жермен» клуби «Манчестер Сити» ярим ҳимоячиси Райан Шеркини ўз сафига қўшиб олишга қизиқиш билдирмоқда. Бу қизиқиш «шаҳарликлар»нинг Англия Премьер-лигаси молиявий қоидаларини бузганликда айбланаётгани билан боғлиқ вазият фонида кучайган. Бу ҳақда foot01.com хабар берди.
Манба маълумотига кўра, «Манчестер Сити»га жиддий санкциялар қўлланиши мумкинлиги сабаб кўплаб клублар жамоадаги вазиятни диққат билан кузатмоқда. Франция терма жамоаси ярим ҳимоячиси Шерки эса «ПСЖ»да жуда катта қизиқиш уйғотмоқда.
Қайд этилишича, парижликлар Шерки ҳали Франция Лига 1 да «Лион» шарафини ҳимоя қилган пайтда ҳам уни трансфер қилишга уринган.
23 ёшли футболчи ўтган йил ёзидан буён «Манчестер Сити» сафида тўп тепмоқда.
