Испания терма жамоаси вингери Ламин Ямал ёш бўлишига қарамай, миллий жамоа тарихидаги энг яхши ассистентлар қаторига кириб улгурди.
19 ёшли футболчи Испания МТЖ сафида 35 та учрашувда 14 та голли узатма амалга оширган ва бу кўрсаткич билан терма жамоа тарихида 6-ўринга кўтарилган.
Испаниянинг ассистлар бўйича энг яхши футболчилари рўйхатида Сеск Фабрегас етакчилик қилмоқда. У миллий жамоада 110 та ўйинда 36 та голли узатма қайд этган. Кейинги ўринлардан Давид Силва — 32, Андрес Иньеста — 30, Хави — 24 ва Жорди Альба — 22 та ассист билан жой олган.
Испания МТЖ тарихида энг кўп ассист қилган футболчилар:
— Сеск Фабрегас — 36 ассист
— Давид Силва — 32
— Андрес Иньеста — 30
— Хави — 24
— Жорди Альба — 22
— Ламин Ямал — 14
Эътиборлиси, Ямал бу натижага атиги 19 ёшида эришди. Унинг олдида ҳали катта халқаро фаолият турганини ҳисобга олсак, яқин йилларда Испания терма жамоасининг ассистлар бўйича мутлақ рекорди учун ҳам кураш олиб бориши мумкин.
