Озарбайжон терма жамоаси Миллатлар лигаси гуруҳ босқичи доирасида Литвани 1:0 ҳисобида мағлуб этди.
Учрашувдаги ягона гол 25-дақиқада урилди. Абдулла Хайбулаев Турал Байрамовнинг узатмасидан сўнг тўпни дарвоза тўрига жойлади.
Ўтказиб юборилган голдан кейин Литва тўп назоратини кўпроқ ўз қўлига олди. Бироқ танаффусга қадар ҳисобни тенглаштира олмади. Озарбайжон эса ҳимояда ишончли ҳаракат қилиб, минимал устунликни сақлаб қолди.
Иккинчи бўлимда ҳам ўйин манзараси ўзгармади. Якунда мезбонлар ўз майдонидаги ғалабани сақлаб қолишди.
Озарбайжон очколари сонини 5 тага етказиб, гуруҳда биринчи ўринга кўтарилди. Литва 4 очко билан иккинчи поғонада бормоқда.
