"Ноттингем Форест" марказий ҳимоячиси Мурилло фаолиятини Англия Премьер-лигасининг бошқа клубида давом эттириши мумкин. Бу ҳақда Football Insider хабар берди.
Манба маълумотига кўра, 24 ёшли бразилиялик футболчини ўз сафига қўшиб олиш учун "Челси", "Ливерпуль" ва "Манчестер Юнайтед" қизиқиш билдирмоқда.
Шу билан бирга, "Ноттингем Форест" қишки трансфер ойнасида Мурилло билан хайрлашишни режалаштирмаяпти.
Футболчининг клуб билан амалдаги шартномаси 2030 йил июнь ойи охирига қадар мўлжалланган. Муриллонинг трансфер қиймати 50 миллион еврога баҳоланмоқда.
Жорий мавсумда бразилиялик ҳимоячи Англия Премьер-лигасида 5 та учрашувда майдонга тушди.
