Хорватия терма жамоаси ва «Барселона»нинг собиқ ярим ҳимоячиси Иван Ракитич «кўк-анорранглилар»нинг энг афсонавий авлодини айтди.
«Хави, Иньеста ва Пуйоль авлоди ҳозирги футболчилар билан солиштириб бўлмайди. Улар ҳақиқий афсоналар. Ҳеч ким ҳеч қачон 2010 йил авлоди билан тенглаша олмайди», — дея хорват футболчисининг сўзларини The Touchline аккаунти ижтимоий тармоқларда келтирди.
Эслатиб ўтамиз, Ракитич 2014 йилдан 2020 йилгача каталонияликлар жамоасида ўйнаган. Хорват футболчиси «Барселона» билан бирга тўрт марта Испания чемпиони бўлган, шунингдек, 2014/2015 йилги мавсумда Чемпионлар лигасида ғолиб чиққан.
