"Барселона" афсонаси Андрес Иньеста Луис де ла Фуэнте бошчилигида 2026 йилги Жаҳон чемпионатида ғолиб чиққан ҳозирги Испания терма жамоасини Висенте дель Боске қўл остида 2010 йилда чемпион бўлган авлод билан таққослашдан бош тортди.
"Мен ҳеч қачон таққослашларни ёқтирмаганман. Бу турли даврлар, биз бошқа футболчилар эдик, футбол услуби ҳам бошқача эди. Шунинг учун уларни таққослаб бўлмайди.
Қолаверса, ҳар кимнинг ўз диди бор. Ҳозирги авлод вакилларининг кўпчилиги биз ўша пайтда қандай даражада ўйнаганимизни умуман кўрмаган бўлиши ҳам мумкин", — деди 2010 йилги жаҳон чемпиони.
"Менимча, гап қайси жамоа яхшироқ экани ҳақида эмас, балки кимнинг қайси футболчи, футболчилар гуруҳи ёки ўйин услубини кўпроқ ёқтириши ҳақида кетмоқда. Бу яхши баҳс мавзуси.
Энг муҳими — Испания яна жаҳон чемпиони бўлди. Энди гербда иккита юлдуз бор... Менимча, бу алоҳида даража", — деди Иньеста.
