Нидерландия терма жамоаси бош мураббийи Хави Эрнандес агар ҳозир ҳам футболчи сифатида фаолиятини давом эттираётганида, замонавий футбол талабларига мослаша олармиди, деган саволга жавоб берди.
"Футбол бироз ўзгарди, ўйин жисмоний жиҳатдан анча интенсивлашди. Аммо менимча, уддалай олардим, ҳа", — дея Хавининг сўзларини келтиради The Touchline.
Хави 2019 йилда футболчилик фаолиятини якунлаган. У карьерасининг асосий қисмини "Барселона" сафида ўтказган. Шунингдек, "Ас-Садд" клубида ҳам ўйнаган ва айнан шу жамоада сўнгги учрашувини ўтказган.
Испаниялик мутахассис мураббийлик фаолиятини "Ас-Садд"да бошлаб, 2019 йилдан 2021 йилгача жамоани бошқарган. Шундан сўнг у "Барселона" бош мураббийига айланган ва 2024 йилгача каталонияликлар билан ишлаган.
Хави 2026 йил август ойида Нидерландия терма жамоаси бош мураббийи этиб тайинланган.
