"Барселона"нинг собиқ ярим ҳимоячиси Андрес Иньеста мураббийлик фаолиятидаги келажак режалари ҳақида гапирди.

Айни пайтда 42 ёшли мутахассис БАА иккинчи лигасида иштирок этадиган "Галф Юнайтед" клубини бошқармоқда.

— Келажакда "Барселона"ни бошқаришни истармидингиз?

"Бу ажойиб бўларди, аммо ҳозир бу ҳақда ўйлай олмайман...

Мен футболчи бўлишни истардим. Болалигимда "мураббий бўлишни хоҳлайман", демасдим. Мен профессионал футболчи бўлишни, "Барселона"да ўйнашни ва асосий жамоа билан муваффақиятга эришишни хоҳлашимни айтардим.

Бу мақсадлар мен учун мутлақо аниқ эди ва улардан чекинишни истамасдим.

Ҳозир эса бутунлай бошқа жараён кетмоқда. Кейин нима бўлишини вақт кўрсатади. Аммо, албатта, эҳтимолий мураббий сифатидаги ушбу дастлабки босқич менга ёқяпти", — деди Иньеста.