«Реал»нинг собиқ футболчиси Иполито Ринкон Винисиуснинг мавсум бошидаги ўйинига баҳо берди.
Ветеран бразилиялик футболчини танқид қилди. Мутахассис вингер захирага ўтиши керак, деб ҳисоблайди.
«Асосий таркибдаги ўринга маоши билан эмас, майдондаги ўйини билан эришиш керак. Винисиус йилига 25 миллион евро олаётгани учун албатта ўйнаши шартми?! Йўқ, мен уни захирага ўтқизган бўлардим», — дея Ринконнинг сўзларини Cope келтирмоқда.
Винисиус ёзда «Реал» билан янги шартнома имзолади. Бразилиялик футболчи клубини алмаштириши мумкин эди. Вингерга «Арсенал» қизиқиш билдирган. Бироқ Винисиус Мадридда қолишни истади.
