"Интер" ярим ҳимоячиси Ҳакан Чалханоглу жароҳатидан тикланди ва Италия чемпионатининг навбатдаги турида майдонга тушишга тайёр. Бу ҳақда Goal нашри Sportmediaset'га таяниб хабар берди.
Туркиялик футболчи 8 сентябрь куни Чемпионлар лигасида "Реал"га қарши ўйиндан сўнг ўнг соннинг яқинлаштирувчи мушагидан жароҳат олган эди. Бугун Чалханоглу умумий гуруҳ билан машғулот ўтказди.
Кутилишича, 10 октябрь куни "Парма"га қарши уй учрашувида Чалханоглу "Интер"нинг асосий таркибида майдонга тушади. Шунингдек, ҳимоячилар Федерико Димарко ва Жед Спенс ҳам жамоа қайдномасига қайтиши кутилмоқда.
"Интер" 13 очко билан турнир жадвалида иккинчи ўринда бормоқда. "Рома" ва "Лацио" ҳам худди шунча очко тўплаган. "Парма" эса 15-ўринни эгаллаб турибди.
