"Inter" yarim himoyachisi Hakan Chalxanoglu jarohatidan tiklandi va Italiya chempionatining navbatdagi turida maydonga tushishga tayyor. Bu haqda Goal nashri Sportmediaset'ga tayanib xabar berdi.

Turkiyalik futbolchi 8 sentyabr kuni Chempionlar ligasida "Real"ga qarshi o‘yindan so‘ng o‘ng sonning yaqinlashtiruvchi mushagidan jarohat olgan edi. Bugun Chalxanoglu umumiy guruh bilan mashg‘ulot o‘tkazdi.

Kutilishicha, 10 oktyabr kuni "Parma"ga qarshi uy uchrashuvida Chalxanoglu "Inter"ning asosiy tarkibida maydonga tushadi. Shuningdek, himoyachilar Federiko Dimarko va Jed Spens ham jamoa qaydnomasiga qaytishi kutilmoqda.

"Inter" 13 ochko bilan turnir jadvalida ikkinchi o‘rinda bormoqda. "Roma" va "Lasio" ham xuddi shuncha ochko to‘plagan. "Parma" esa 15-o‘rinni egallab turibdi.