УЕФА Миллатлар лигасининг 2026/2027 йилги мавсуми 4-туридан ўрин олган Италия ва Туркия терма жамоалари ўртасидаги учрашув якунланди.

Болоньядаги «Ренато Далль'Ара» стадионида бўлиб ўтган баҳсда Италия терма жамоаси 3:1 ҳисобида ғалаба қозонди. Учрашувни польшалик ҳакам Шимон Марциняк бошқарди.

26-дақиқада Жанлука Скамакка ҳисобни очиб, Италияни олдинга олиб чиқди. 61-дақиқада Арал Шимшир жавоб голини уриб, ҳисобни тенглаштирди.

64-дақиқада Риккардо Калафьори Италиянинг иккинчи голини киритди. 87-дақиқада эса Франческо Эспозито яна бир бор Туркия дарвозасини ишғол қилиб, ҳисобни 3:1 кўринишига келтирди.

Ушбу ўйиндан сўнг Италия терма жамоаси 7 очко билан «А» лигаси 1-гуруҳ турнир жадвалида иккинчи ўринни эгаллаб турибди. Туркия эса ҳали очко жамғара олмаган ва сўнгги ўринда бормоқда.

Кейинги турда Италия 12 ноябрь куни Францияни қабул қилади. Туркия эса шу куни ўз майдонида Бельгияга қарши баҳс олиб боради.