«Манчестер Юнайтед» марказий ҳимоячиси Лени Йоро Франция терма жамоасидаги дебют учрашувидан сўнг ўз таассуротлари билан ўртоқлашди.
20 ёшли футболчи Миллатлар лигаси доирасида Бельгияга қарши кечган баҳсни тўлиқ ўтказди. Учрашув Франциянинг 4:1 ҳисобидаги ғалабаси билан якунланди.
«Ростини айтсам, бундан яхшироғини орзу қилиш қийин эди. Бельгияга қарши уйдаги ўйин, оилам эса трибуналарда. Биз жуда яхши ўйин ўтказдик.
Албатта, гол ўтказиб юбормасликни истардик, аммо ғалаба қозондик. Шунинг учун шикоят қилишга ҳеч қандай сабаб йўқ. Бу ажойиб ҳиссиёт эди», — деди Йоро Canal+ телеканалига берган интервьюсида.
Франция терма жамоаси сафида Дезире Дуэ, Райан Шерки ва дубль қайд этган Майкл Олисе гол муаллифи бўлди.
