Франция терма жамоаси бош мураббийи Зинедин Зидан жамоа билан ўтказган илк йиғин якунларини сарҳисоб қилиб, футболчилар ўртасидаги муҳитни алоҳида таъкидлади. Миллатлар лигаси 4-турида французлар Бельгия устидан 4:1 ҳисобида иродали ғалаба қозонди.

«Барча футболчиларнинг муносабати мени ёқимли ҳайратга солди. Ҳамма ротацияни тўғри қабул қилди. Бу жамоамизда яққол сезилмоқда: ҳатто алмаштирилган футболчилар ҳам майдонга тушиб, гол урган шерикларидан чин дилдан хурсанд бўлишди.

Мен ушбу 15 кун давомида ҳар бир футболчи ўз имкониятига эга бўлиши учун ҳамма нарсани олдиндан режалаштирган эдим», — деди Зидан.

Мутахассис жамоа қайси жиҳатларда ўсиши кераклиги ҳақида ҳам гапирди.

«Биз рақиб жарима майдонини кўпроқ футболчилар билан тўлдиришимиз керак. Бугунги ўйиннинг сўнгги қисми бундан мустасно, аммо аввалги тўртта учрашувда бу жиҳат бизга етишмади.

Қанотлардан ҳужум қилинганда ва узатмалар берилганда жарима майдонида кўпроқ футболчилар бўлиши лозим. Бу аста-секин йўлга тушади. Мен футболчиларим ва улар билан бирга ўтказган ушбу 15 кундан фахрланаман», — деди Франция терма жамоаси устози.

Франция терма жамоаси навбатдаги учрашувларини ноябрь ойида ўтказади.