Хорватия терма жамоаси бош мураббийи Славен Билич футболчиларидан Англияга қарши уйдаги 0:7 ҳисобидаги оғир мағлубиятни ёдда сақлашни сўради. Мутахассиснинг таъкидлашича, бундай ўйинлар барибир унутилмайди, аммо улардан тўғри хулоса чиқариш мумкин.

«Агар бундай вазиятларнинг қандайдир ижобий томони бўлса, у ҳам жавоб реакциясини талаб қилишидир. Эртага жамоадан айнан шуни кутаман», — деди Билич.

Мутахассис футболчилардан албатта ғалаба қозонишни талаб қилмаётганини, аммо Испанияга қарши ўйинда майдонга чиқиб, бор кучини беришлари шартлигини таъкидлади.

Хорватия Испания ва Англияга қарши сўнгги икки учрашувда мағлуб бўлди. Бу баҳсларда жамоанинг умумий тўплар нисбати 1:11 ни ташкил қилди.

Билич шу билан бирга, Хорватияда ҳали ҳам турнир плей-офф босқичига чиқиш имконияти сақланиб қолаётганини эслатди.