«Барселона» Рафинья Диас билан шартномани узайтириш масаласини шу ҳафтанинг ўзида якунлаши кутилмоқда. Бу ҳақда The Touchline испаниялик журналист Рамон Сальмурига таяниб хабар берди.
Аввалроқ «Барселона» уч нафар футболчиси билан янги шартнома имзолашни режалаштираётгани хабар қилинган эди. Улардан бири айнан Рафинья ҳисобланади.
Бразилиялик футболчининг каталонияликлар билан амалдаги келишуви 2028 йил ёзигача мўлжалланган.
Рафинья «Лидс»дан келиб қўшилганидан буён «Барселона» сафида бешинчи мавсумини ўтказмоқда. Жорий мавсумда у барча мусобақаларда 14 та гол уришга улгурди ва октябрь ойи ҳолатига кўра Европанинг топ-чемпионатларидаги энг сермаҳсул футболчилардан бири бўлиб турибди.
