«Барселона» ярим ҳимоячиси Дани Ольмо Мюнхеннинг «Бавария» клуби эътиборида қолмоқда. Бу ҳақда El Nacional хабар берди.

Манба хабарларига кўра, Жоау Фелишнинг «Барселона»га эҳтимолий қайтиши Ольмонинг жамоадан кетишига йўл очиши мумкин, чунки каталонияликлар ярим ҳимоя чизиғида футболчилар ортиқчалигига дуч келади. Ольмо «Бавария»га анчадан бери ёқади ва клубда уни таркибга жуда яхши мос тушади, деб ҳисоблашмоқда. Таъкидланишича, 80 миллион евро атрофидаги таклиф «Барселона»ни футболчини сотишга кўндириши мумкин.

Жорий мавсумда 28 ёшли ярим ҳимоячи барча турнирларда 8 та учрашувда иштирок этиб, 3 та голли узатма амалга оширди.

Испаниялик футболчининг «Барселона» билан амалдаги шартномаси 2030 йилгача амал қилади.