Мадриднинг «Реал» клуби ярим ҳимоячиси Арда Гюлер Transfermarktда футболчиларнинг бозор қиймати янгиланганидан сўнг 100 миллион евро кўрсаткичига этди.
21 ёшли футболчининг қиймати 10 миллион еврога ошди ва у тарихда бозор қиймати тўққиз хонали рақамга етган биринчи туркиялик футболчига айланди. Гюлер «Реал» таркибида мавсумни муваффақиятли бошлагани учун эътироф этилди: у 7 та учрашувда 4 та самарали ҳаракат қайд этди.
2023 йилда «Фенербахче»дан Мадрид клубига ўтганидан бери ярим ҳимоячининг бозор қиймати қарийб 7 баробарга ошди — 15 миллион евродан 100 миллион еврогача.
Тарихдаги энг қиммат туркиялик футболчилар орасида иккинчи ўринни «Ювентус» вингери Кенан Йилдиз 75 миллион евро кўрсаткичи билан эгаллаб турибди. «Айнтрахт» футболчиси Жан Узун 45 миллион евро қиймат билан Ҳакан Чалханоглу ва Чаглар Сўюнджю билан учинчи ўринни бўлишиб турибди. Чалханоглу бу кўрсаткичга 2024 йилда «Интер»да, Сўюнджю эса уч йил аввал «Лестер»да эришган.
