"Реал" яримҳимоячиси Анхель Ди Мария ЧЛ гуруҳ босқичи 2-тур учрашувлари доирасида "Копенгаген"га қарши кечган ўйиндаги (4:0) ўз ўйинидан қониқиш ҳосил қилганини таъкидлади.
"Жуда яхши ўйин кўрсатганимиздан хурсандман. Бу ўйинда ҳужумда уч нафар ўйинчи ўйнагани сабаб тактикада бироз ўзгариш бўлганди.
Мураббий бизга ишонишда давом этмоқда ва биз ҳам чин дилдан меҳнат қиляпмиз. Шундай ўйнашда давом этсак, ҳаммаси изига тушиб кетади.
Менимча ўйиним ўнг оёғимда бироз яхшироқ чиқяпти.
Жамоа билан шундай кайфиятда ўйнашда давом этишимиз керак. Барча ўйинлар осон кечмайди, аммо биз яхши ўйин кўрсатиб ҳаммасини ўз фойдамизга ҳал қила оламиз.
Менга асосий таркибдан жой бераётган мураббийнинг ишончини оқлаш учун ишлашда давом этавераман", - дейди аргентиналик "Реал" расмий сайти билан суҳбатда.