Килиан Мбаппе тиззасидан олган жароҳатидан сўнг "Реал"нинг навбатдаги учрашувига тайёргарлик кўришни бошлади.
AS нашри маълумотига кўра, сешанба куни франциялик ҳужумчи Мадрид клубининг базасида жамоадошларига қўшилди ва "Вильярреал"га қарши учрашув олдидан тикланиш жараёнини давом эттирди.
Мбаппе душанба куни эрталаб Мадридга қайтиб келган. Ўша куни у мураббийлар штаби назорати остида жамоадан алоҳида машғулот ўтказган бўлса, кейинги машғулотда қолган футболчилар билан бирга ишлай бошлади.
Мбаппе жорий Ла Лига мавсумида 7 та учрашувда майдонга тушиб, 7 та гол урди ва 2 та голли узатмани амалга оширди.
"Реал" навбатдаги учрашувини 10 октябрь куни ўз майдонида "Вильярреал"га қарши ўтказади.
