"Блэкпул" яримҳимоячиси Томас Инс "Тоттенхэм" клуби қизиқиш доирасига кирди. Маълумотларга қараганда, "шпорлар"нинг 21 ёшли футболчига эътибори юзаки қизиқиш эмас.
Лондонликлар январда "Блэкпул"га унинг трансферини сўраб 5 миллион фунт таклиф қилишлари кутилмоқда.
Инсанинг шартномаси келаси йил ёзида якунига етади. Шу сабаб клуб уни сотишдан манфаатдор экани тушунарли.
Бу футболчига "Эвертон", "Суонси" ва "Ньюкасл" ҳаи қизиқаётгани борасида гап-сўзлар бор.
Ёзда Инс "Кардифф Сити"га ўтишга розилик бермаганди. Сабабини эса ўз оиласини шу шаҳарда қолишини истаётгани билан изоҳлаган. Ўшанда клублар 8 миллион фунт устида келишиб қўйгандилар. "Тоттенхэм" эса 5 млн. таклиф қилаётганини юқорида қайд этиб ўтдик.
Жорий мавсумда яримҳимоячи 7 ўйин ўтказиб, 4та гол ва 2та самарали тўп узатишга муваффақ бўлди.