Аргентина терма жамоасининг собиқ ярим ҳимоячиси Анхель Ди Мария Лионель Мессининг миллий жамоа сафидаги хайрлашув учрашуви ҳақида фикр билдирди.
39 ёшли ҳужумчи Аргентина терма жамоаси сафидаги сўнгги ўйинини Бенинга қарши ўртоқлик учрашувида ўтказади. Баҳс 7 октябрь куни Тошкент вақти билан соат 04:00 да бошланади.
"Бугун суратлар ва видеоларни кўрдим. У бор кучини берганини билиб, уни шунчалик бахтли ва хотиржам ҳолда кўриш биз учун қувончли. Шунинг учун у бу лаҳзадан завқ олиши керак, биз эса унга умримизнинг охиригача миннатдор бўлишимиз лозим.
Мен унга ўйин олдидан кўришишимизни айтдим. Мен четдан кузатаман ва барча аргентиналиклар каби бу манзарадан завқ оламан.
Биз кўп йилларни бирга ўтказганимизни биламан. Мен учун Диего Марадона қўл остида машғулот ўтказиш ва мен тарихдаги энг яхши футболчи деб ҳисоблайдиган Лео билан бирга ўйнаш катта шараф эди", — деди "Росарио Сентраль" футболчиси.
