ОАВ маълумотларига кўра, «Бавария»нинг 22 ёшли германиялик ярим ҳимоячиси Александр Павлович «Манчестер Сити»га ўтишдан бош тортди. Бу ҳақда футбол инсайдери Флориан Плеттенберг хабар берди.
Аввалроқ Bild «шаҳарликлар» Павлович учун 100 миллион евро тўлашга тайёр эканини ёзган эди. Қайд этилишича, дастлаб германиялик футболчи таклифга қизиқиш билдирган, аммо якунда Англия клубининг таклифини рад этишга қарор қилган.
Павлович бутун фаолияти давомида «Бавария» сафида тўп тепмоқда. Ушбу мавсумда ярим ҳимоячи жамоа учун 7 та ўйинда майдонга тушиб, 1 та гол урди ва 1 та голли узатма амалга оширди.
