«Тоттенхэм» ва Швейцария миллий жамоасининг собиқ ҳимоячиси Рамон Вега ФИФА президенти лавозими учун номзодини қўйиш ниятида эканини маълум қилди.

55 ёшли собиқ футболчи 2003 йилда фаолиятини якунлаган. У ФИФА президенти Жанни Инфантинонинг биринчи расмий рақибига айланди.

«Футбол ҳар қандай лавозим, ҳар қандай инсон ёки ҳар қандай институтдан устундир. Ҳозир футбол реанимация бўлимида, ҳаётни таъминлаб турувчи аппаратга уланган ҳолатда.

Биз энди кутиб ўтира олмаймиз. ФИФАга янги йўналиш ва туб ислоҳотлар керак», — деди Вега.

Жанни Инфантино 2016 йил 26 февраль куни ФИФА президенти этиб сайланган.
2019 йилда иккинчи муддатга, 2023 йилда эса учинчи муддатга қайта сайланган.
ФИФА президенти учун навбатдаги сайлов 2027 йил март ойида ўтказилиши режалаштирилган.