«Манчестер Сити» бир неча йил давомида солиқ текшируви остида бўлган. Бу ҳақда Financial Times хабар берди.

Буюк Британия солиқ органлари 2018 йилдаёқ инглиз клуби солиқ тўловларини камайтириш учун мураккаб молиявий схемалардан фойдаланган ёки фойдаланмаганини аниқлаш мақсадида текширув бошлаган. Текширув Германиянинг Der Spiegel нашри клубнинг ички ёзишмаларини эълон қилганидан сўнг бошланган.

Қайд этилишича, текширув атайлаб содир этилган фирибгарлик гумони билан боғлиқ бўлмаган. У расман ҳеч қачон якунланмаган ва Буюк Британия солиқ хизмати клубга нисбатан ҳеч қандай чора кўрмаган.

Солиқ органлари вакиллари солиқ тўловчиларга оид маълумотлар махфийлигига ишора қилиб, вазиятга изоҳ беришдан бош тортган. «Манчестер Сити» ҳам сўровларга жавоб бермаган.

Аввалроқ мустақил комиссия «Манчестер Сити»ни 2009–2018 йиллар оралиғида АПЛнинг молиявий қоидаларини 114 марта бузганликда айбдор деб топган эди. Санкциялар бўйича қарор ҳали чиқарилмаган. Клуб апелляция бериб, ўзининг айбсизлигини таъкидламоқда.

Энг қаттиқ чора қўлланилган тақдирда, «Манчестер Сити» бир нечта чемпионлик унвонларидан маҳрум қилиниши ва чемпионатдан четлатилиши мумкин.