"Бёрнли" ҳужумчиси Жейми Варди "Манчестер Юнайтед" сардори Бруну Фернандеш ҳақида фикр билдирди.

39 ёшли англиялик футболчи "Лестер" сафида ўйнаган даврида португалиялик ярим ҳимоячига қарши майдонга тушганини эслади.

"У жуда, жуда кучли футболчи. У барча пас вариантларини кўради ва ҳамма нарсани бошқалардан олдин пайқайди.

Фернандешга қарши ўйнаганингда у шунчаки асабингга тегади. У ҳакам билан тортишади, сенга ҳам босим қилади. Шу билан бирга, эшитишимча, майдондан ташқарида у дунёдаги энг босиқ йигитлардан бири.

Балким, ўйин вақтида у шунчаки ҳиссиётларига эрк берар. Аммо футболчи сифатида у даҳшатли даражада кучли", — деди Варди ўз подкастида.

Бруну Фернандеш 2020 йил бошидан буён "Манчестер Юнайтед" сафида тўп суриб келмоқда.