"Атлетик" президенти Хосу Уррутия Эндер Эррера яқин орада клубдан кетмаслигини маълум қилди.
"Бошқа клублар нима қилаётгани билан ишим йўқ, аммо айтишим мумкинки, Эррера трансфери масаласи ёпилди.
Андернинг клубимиз билан 2016 йилгача шартномаси бор. "Атлетик"нинг барча ўйинчилари клуб учун бор кучи билан ўйнаши керак", - деди Уррутия.
Бундан ташқари клуб раҳбари тўрт футболчи - Икер Муниан, Ибаи Гомес, Андони Ираола, Карлос Гурпеги билан шартномалар узайтирилишини қайд этиб ўтган.
Эслатиб ўтамиз, "МЮ" Эррерани ёзда 36 миллион еврога ҳарид қилишга уриниб кўрганди. Аввалроқ манкунианликлар ушбу трансфер масаласига январда яна қайтишлари хабар қилинган.