Англия миллий терма жамоасининг собиқ сардори Гари Линекер Криштиану Роналдунинг Португалия терма жамоасини тарк этиши билан боғлиқ вазиятга муносабат билдирди.

Аввалроқ 41 ёшли ҳужумчи миллий жамоа бош мураббийи Жорже Жезуш билан юзага келган келишмовчилик сабабли терма жамоа қароргоҳини тарк этгани хабар қилинган эди.

Линекер ушбу воқеадан афсусда эканини билдириб, Роналду футбол тарихидаги буюк ўйинчилардан бири сифатида муносиб хайрлашувга лойиқлигини таъкидлади.

Шунингдек, у Лионель Мессининг Аргентина терма жамоаси билан хайрлашувини мисол қилиб келтирди.

«Бу бироз қайғули, чунки у нақадар буюк футболчи эди.

Охир-оқибат, беш ёки ўн йилдан кейин ҳеч ким бу воқеаларни эсламайди. Биз фақат унинг қанчалик буюк футболчи бўлганини хотирлаймиз.

Аммо Мессининг Аргентина терма жамоаси билан қандай хайрлашганига қарасак, бу жуда чиройли ва таъсирли бўлди.

Менимча, Криштиану ҳам худди шундай хайрлашувга муносиб», — дея Линекернинг сўзларини келтиради Sky Sports News.