UFCнинг ярим енгил вазн тоифасида (61 кг гача) амалдаги чемпиони, россиялик Пётр Ян иккинчи UFC камарини қўлга киритиш имконияти учун ярим енгил вазнга кўтарилишга тайёрлигини маълум қилди. Бироқ бунинг учун Александр Волкановски ушбу вазн тоифасида чемпион бўлмаслиги керак.
«Эҳтимол, юқори вазнга кўтарилишим мумкин. Шунчаки 66 килограммда менинг дўстим Алекс [Волкановски] бор, у билан жанг қилишни истамайман», — деди Ян Full Violence YouTube каналига берган интервьюсида.
Пётр Ян аралаш яккакурашдаги профессионал фаолиятини 2014 йилда бошлаган. Россиялик жангчининг рекордида 20 та ғалаба бор, уларнинг 8 тасига муддатидан олдин эришган, шунингдек, 5 та мағлубияти мавжуд.
Ян сўнгги жангини 6 декабрь куни АҚШнинг Лас-Вегас шаҳрида бўлиб ўтган UFC 323 турнирида ўтказди. У грузиялик Мераб Двалишвили билан реванш жангида октагонга чиқди ва беш раунд якунларига кўра ҳакамларнинг якдил қарори билан ғалаба қозонди.
