Мадриднинг «Атлетико» клуби ҳужумчиси Хулиан Альварес ўтган трансфер ойнасидаги воқеалардан сўнг ўз агентини алмаштиришга қарор қилди.
Аргентиналик футболчи ёзда ўз келажаги билан боғлиқ масалалар қандай ҳал этилганидан норози бўлган. Журналист Рубен Уриянинг хабар беришича, 26 ёшли ҳужумчи Фернандо Идальго билан ҳамкорликни тўхтатган. Альварес ўз вакилининг ишидан кўнгли қолиб, унинг хизматларидан воз кечган.
Кутилишича, яқин вақт ичида футболчининг янги агенти пайдо бўлади.
Ёзда Альварес уни ўз сафига қўшиб олишга жиддий уринган «Барселона»га ўтишни истаган. Каталония клуби аргентиналик футболчи учун 100 миллион евро тўлашга тайёр эди, бироқ «Атлетико» ҳужумчини қўйиб юборишдан бош тортди.
