«Лидс» бош мураббийи Даниэль Фарке Англия Премьер-лигасининг навбатдаги туридаги рақиби — «Арсенал»нинг кучига баҳо берди.
«Лидс» 10 октябрь, шанба куни амалдаги Англия чемпионига қарши сафарда майдонга тушади. Учрашув Тошкент вақти билан соат 16:30 да бошланиши режалаштирилган.
Фарке «Арсенал»ни Европанинг энг кучли жамоаларидан бири деб ҳисоблашини таъкидлади.
«Арсенал» холисона қараганда Европанинг энг яхши жамоаларидан бири, балки энг кучлисидир.
Сўнгги йилларда ҳеч бир жамоа уларчалик барқарор ўйин намойиш этмади.
Улар дунёнинг энг мураккаб лигаси — Англия Премьер-лигасида мутлақо муносиб равишда чемпионликни қўлга киритишди. Бунга қадар эса бир неча бор иккинчи ўринни эгаллашган.
Шунингдек, Чемпионлар лигаси финалига ҳам чиқишган.
«Арсенал» жорий мавсумда ҳам чемпионлик учун асосий даъвогар ҳисобланади», — дея Фаркенинг сўзларини келтиради Arsenal Radar.
Микель Артета бошчилигидаги «Арсенал» Англия Премьер-лигасининг бешта туридан сўнг 12 очко жамғариб, мусобақа жадвалида иккинчи ўринни эгаллаб турибди.
