«Lids» bosh murabbiyi Daniel Farke Angliya Premyer-ligasining navbatdagi turidagi raqibi — «Arsenal»ning kuchiga baho berdi.

«Lids» 10 oktyabr, shanba kuni amaldagi Angliya chempioniga qarshi safarda maydonga tushadi. Uchrashuv Toshkent vaqti bilan soat 16:30 da boshlanishi rejalashtirilgan.

Farke «Arsenal»ni Yevropaning eng kuchli jamoalaridan biri deb hisoblashini ta’kidladi.

«Arsenal» xolisona qaraganda Yevropaning eng yaxshi jamoalaridan biri, balki eng kuchlisidir.

So‘nggi yillarda hech bir jamoa ularchalik barqaror o‘yin namoyish etmadi.

Ular dunyoning eng murakkab ligasi — Angliya Premyer-ligasida mutlaqo munosib ravishda chempionlikni qo‘lga kiritishdi. Bunga qadar esa bir necha bor ikkinchi o‘rinni egallashgan.

Shuningdek, Chempionlar ligasi finaliga ham chiqishgan.

«Arsenal» joriy mavsumda ham chempionlik uchun asosiy da’vogar hisoblanadi», — deya Farkening so‘zlarini keltiradi Arsenal Radar.

Mikel Arteta boshchiligidagi «Arsenal» Angliya Premyer-ligasining beshta turidan so‘ng 12 ochko jamg‘arib, musobaqa jadvalida ikkinchi o‘rinni egallab turibdi.