«Барселона» клуби ҳимоячи Хави Эспарт билан шартнома муддатини узайтириш бўйича келишувга эришди.
Бу ҳақда Каталония клубининг расмий сайтида маълум қилинди.
19 ёшли футболчи билан янги шартнома 2030 йилгача амал қилади. Келишув яқин кунларда имзоланиши кутилмоқда.
Хави Эспарт 2015 йилда «Барселона» академиясига қўшилган. У 2026 йилнинг март ойида клубнинг асосий жамоасида дебют қилган.
Жорий мавсумда ёш ҳимоячи «Барселона» сафида Испания Ла Лигасининг бешта учрашувида майдонга тушиб, битта гол урди ва иккита голли узатмани амалга оширди.
Transfermarkt интернет портали маълумотларига кўра, футболчининг ҳозирги бозор қиймати 25 миллион еврони ташкил этмоқда.
«Барселона» — «Хетафе» учрашуви 10 октябрь куни Ўзбекистон вақти билан соат 21:30 да бошланади.
