Лондоннинг «Арсенал» клуби Мексика терма жамоаси ҳужумкор ярим ҳимоячиси Хильберто Мора трансфери устида иш олиб бормоқда.
TEAMtalk маълумотига кўра, «канонирлар» ёш иқтидорнинг ҳозирги клуби — «Тихуана» билан боғланиб, эҳтимолий трансфер шартларини муҳокама қилган. 14 октябрь куни футболчи 18 ёшни қаршилайди, шунинг учун унинг трансфери январь ойидаёқ амалга ошиши мумкин.
Хильберто Моранинг шартномасида 25 миллион евро миқдоридаги товон пули белгиланган. Ёш юлдузга «Барселона», Мадриднинг «Реал» клуби, Дортмунднинг «Боруссия» жамоаси ва «Бенфика» ҳам қизиқиш билдирмоқда.
Мора яқинда бўлиб ўтган жаҳон чемпионатида Мексика терма жамоасининг асосий таркибидан жой олди ва мундиалнинг тўртта учрашувида иштирок этди.
