Бугун, 9 октябрь куни Ўзбекистон Суперлигасининг 23-тур баҳслари давом эттирилади. Кун давомида бир йўла тўртта учрашув ўтказилиши режалаштирилган.

Тур 7 октябрь куни «Нефтчи» — «Хоразм» баҳси билан бошланган эди. Фарғонада ўтган учрашув 2:2 ҳисобидаги дуранг билан якунланди. Шу натижадан кейин «Нефтчи» 23 учрашувда 52 очко жамғариб, турнир жадвалида пешқадамликни сақлаб қолди.

Бугунги ўйинлар соат 18:30 да «Қўқон-1912» — «Машъал» учрашуви билан бошланади.

Соат 19:00 да эса икки баҳс старт олади. 49 очко билан иккинчи ўринда бораётган «Пахтакор» ўз майдонида «Бунёдкор»ни қабул қилади. Шу вақтнинг ўзида «Бухоро» ва «Андижон» жамоалари ҳам ўзаро куч синашади.

Куннинг сўнгги учрашуви соат 19:30 да бошланади. Унда «Насаф» Самарқанднинг «Динамо» жамоасига қарши майдонга тушади.

23-тур доирасидаги қолган баҳслар 10 ва 11 октябрь кунлари ўтказилади.

9 октябрь. Суперлига, 23-тур:

• 18:30 — «Қўқон-1912» — «Машъал»
• 19:00 — «Пахтакор» — «Бунёдкор»
• 19:00 — «Бухоро» — «Андижон»
• 19:30 — «Насаф» — «Динамо»