Ўзбекистон Суперлигасининг 23-тури доирасида «Қўқон-1912» ва «Машъал» жамоалари ўзаро тўқнаш келади.

Жамоалар шу кунга қадар чемпионат доирасида 20 марта учрашган. Ўзаро баҳсларда «Машъал» устунликка эга — муборакликлар 10 марта ғалаба қозонган. «Қўқон-1912» ҳисобида эса 5 та ғалаба бор. Яна 5 та учрашув дуранг билан якунланган.

Ушбу баҳсларда тўплар нисбати ҳам «Машъал» фойдасига — 32:20.

Ўзаро ўйинларда жамғарилган очколар бўйича ҳам «Машъал» олдинда. Муборакликлар 35 очко тўплаган бўлса, «Қўқон-1912» 20 очко жамғарган.

«Машъал»нинг рақиб устидан қозонган энг йирик ғалабаси 4:0 ҳисобида қайд этилган. «Қўқон-1912»нинг энг катта ғалабаси эса 3:1 бўлган.