«Манчестер Юнайтед» бош мураббийи Майкл Каррик ўз лавозимини тарк этиши мумкин. Унинг ўрнини эгаллашга асосий номзод сифатида италиялик мутахассис Антонио Конте кўрилмоқда.

Аввалроқ «Ювентус», «Интер», «Наполи», «Челси» ва Италия миллий терма жамоасини бошқарган Конте Манчестер клубида иш бошлаши мумкин.

«Манчестер Юнайтед» раҳбарияти жамоанинг 2026/2027 йилги мавсумдаги дастлабки натижаларидан қониқмаяпти.

Англия Премьер-лигасининг бешта туридан сўнг манкунианликлар бештa очко жамғариб, турнир жадвалида 12-ўринни эгаллаб турибди.

TEAMtalk нашри маълумотларига кўра, айнан Антонио Конте «Манчестер Юнайтед» раҳбарияти тузган номзодлар рўйхатида биринчи ўринда турибди.

Италиялик мутахассис мураббийлик фаолияти давомида «Челси» билан Англия Премьер-лигаси чемпиони бўлган.

Шунингдек, у «Наполи» ва «Интер» билан Италия чемпионлигини қўлга киритган, «Ювентус» билан эса икки марта мамлакат чемпионига айланган.

Миллий терма жамоалар ўйинлари муносабати билан юзага келган танаффусдан кейин «Манчестер Юнайтед» 10 октябрь куни ўз майдонида «Тоттенхэм»ни қабул қилади.

Учрашув Ўзбекистон вақти билан соат 21:30 да бошланади.