«Манчестер Юнайтед»нинг собиқ футболчиси Тедди Шерингем манкунианликларга «Брайтон» сафида тўп тепаётган грециялик ҳужумчи Харалампос Костулосни сотиб олишни тавсия қилди.

Шерингем ёш ҳужумчининг ўйинига юқори баҳо бериб, «Манчестер Юнайтед» унинг трансфери борасида тезроқ ҳаракат қилиши кераклигини таъкидлади.

«У ураётган голлар шунчаки ақлбовар қилмайди! Мен унда ҳақиқий ҳужум етакчисини кўряпман.

У «Брайтон» 100 миллиондан ортиқ пул ишлаб оладиган навбатдаги футболчи бўлади.

Майкл Каррикнинг «Брайтон»га қўнғироқ қилиш вақти келди. Уни бошқа клуб қўлга киритмасидан олдин ҳаракат қилиш керак», — дея собиқ ҳужумчининг сўзларини келтиради Football365.

Transfermarkt портали Харалампос Костулоснинг трансфер бозоридаги қийматини 40 миллион еврога баҳоламоқда.

Грециялик футболчининг «Брайтон» билан амалдаги шартномаси 2030 йилнинг июнь ойи охиригача мўлжалланган.

Костулос жорий мавсумда Англия Премьер-лигасининг бешта учрашувида майдонга тушиб, иккита гол урган ва битта голли узатмани амалга оширган.