Мюнхеннинг «Бавария» клуби бош мураббийи Венсан Компани жамоа футболчилари Харри Кейн ва Майкл Олисeнинг «Олтин тўп» мукофотини қўлга киритиш имкониятлари ҳақида фикр билдирди.
«Ғолиб аллақачон аниқланган, шунинг учун менинг сўзларим ҳеч нарсани ўзгартирмайди.
Узр, лекин мен ҳар куни «Олтин тўп» ҳақида ўйламайман. Ҳозир мени фақат «Аугсбург» қизиқтирмоқда.
Бироқ мукофот «Бавария» футболчиларидан бирига насиб этишидан умидворман», — дея Компанининг сўзларини келтиради Bayern & Germany.
«Олтин тўп» мукофоти учун овоз бериш жараёни аллақачон якунланган. Ғолиб 26 октябрь куни Лондонда бўлиб ўтадиган тақдирлаш маросимида эълон қилинади.
Германия Бундеслигасининг бешинчи туридан ўрин олган «Аугсбург» ва «Бавария» ўртасидаги учрашув 10 октябрь, шанба куни бўлиб ўтади.
Баҳс Ўзбекистон вақти билан соат 18:30 да бошланади.
