"Атлетико" бош мураббийи Диего Симеоне аргентиналик икки афсонавий футболчи — Лионель Месси ва Диего Марадонадан қайси бирига мураббийлик қилишни афзал кўриши ҳақидаги саволга жавоб беришдан бош тортди.

"Мен улардан бирини танлаб, бундай оддий ва популистик ўйинда иштирок этмоқчи эмасман.

Марадона билан бирга ўйнаш бахтига муяссар бўлганман, аммо Месси билан бир жамоада майдонга тушиш насиб этмаган.

Биз, аргентиналиклар, футбол тарихидаги энг буюк икки футболчига эга бўлганимиз учун бахтлимиз.

Статистик кўрсаткичлар бўйича Мессига тенг келадиган футболчи йўқ.

Унинг инсон ва спортчи сифатидаги ривожланиши барча кутилмалардан ошиб кетди.

Месси доимо атрофдагиларга ҳурмат билан муносабатда бўлиб, ўзини муносиб тутган. Бундай фазилатларни 20–25 йил давомида сақлаб қолиш эса ниҳоятда қийин", — дея Симеоненинг сўзларини келтиради AS нашри.

Диего Симеоне Аргентина терма жамоасида Марадона билан бирга тўп сурган. Жумладан, улар 1994 йилги жаҳон чемпионатида ҳам бир жамоада ҳаракат қилган.

Лионель Месси эса 2022 йилда Аргентина терма жамоасини жаҳон чемпионлиги сари етаклаган.

Бир неча кун аввал Месси миллий терма жамоадаги фаолиятини якунлаган эди.