«Реал» бош мураббийи Жозе Моуриньо Килиан Мбаппенинг терма жамоалар ўйинлари учун танаффус пайтидаги хатти-ҳаракатлари сабаб мухлислар томонидан ҳуштакбозликка учраши мумкинлиги ҳақидаги саволга жавоб берди.

«Агар бу содир бўлса, бу сизларнинг — журналистларнинг ғалабангиз бўлади. Ҳеч кимни алоҳида айбламоқчи эмасман.

Ростини айтсам, сўнгги ҳафталарда футбол оламида шов-шувли воқеалар шундоқ ҳам етарлича бўлди, деб ўйлагандим. Аммо, шекилли, бу сизларга камлик қиляпти.

«Манчестер Сити» билан боғлиқ вазиятдек йирик воқеалар ҳам, менинг мамлакатимда Криштиану Роналду ва унинг мураббийи атрофидаги мураккаб ҳолат ҳам сизларга етарли бўлмади.

Ишингиз учун материал бўла оладиган шунча воқеа юз берди, лекин бу ҳам камлик қилди. «Реал» — бу «Реал». Бу ерда доимо нимадир содир бўлади.

Килиан ҳақидаги савол биринчи бўлишини кутгандим. Унинг атрофидаги бутун бошли шов-шув менга мутлақо бемаъниликдек кўринади», — деди Жозе Моуриньо.