"ПСЖ" дарвозабони Люка Шевалье жамоадаги вазиятини ўзгартиришга бел боғлаган ва асосий таркибдан жой олиш учун Матвей Сафонов билан рақобатлашишга тайёр.
Бу ҳақда L’Équipe нашри хабар бермоқда.
Франциялик дарвозабон сўнгги марта 23 январь куни "Осер"га қарши ўтказилган расмий учрашувда (1:0) парижликлар сафида майдонга тушган.
Шунга қарамай, Шевалье бош мураббий Луис Энрике билан суҳбатдан сўнг ёзда клубда қолишга қарор қилган.
Бироқ манбанинг таъкидлашича, агар вазият ўзгармаса, дарвозабоннинг январь ойида "ПСЖ"ни тарк этиши ҳам истисно қилинмаяпти.
Шевалье Франция миллий терма жамоасига қайтиш имкониятига эга бўлиш учун кўпроқ ўйин амалиётига эга бўлишни истамоқда.
"ПСЖ" раҳбарияти ҳам футболчининг клубдан кетиши эҳтимолини истисно қилмаяпти.
Шу билан бирга, парижликлар сафида Матвей Сафоновга бўлган ишонч юқори даражада сақланиб қолаётгани қайд этилмоқда.
